#61 Ellen White-i hi engvangin nge Adventist ten Zawlnei-ah an pawm tawi têin min lo hrilh thei em, phek hnih khat vel lekin, tam deuh chu ka chhiar peih lo.

#61 Ellen White-i hi engvangin nge Adventist ten Zawlnei-ah an pawm tawi têin min lo hrilh thei em, phek hnih khat vel lekin, tam deuh chu ka chhiar peih lo.

Chhanna: I zawhna chu zawhna \ha tak a ni. A tawi thei ang berin chhan ka lo tum dâwn che nia.

A hmasa-in Chhandamna chang tûr hian Bible hi a tâwk a, Ellen White-i emaw Bible pâwn lama zawlnei dangte tel lo pawhin Bible atang hian chhandamna chu kan chang thei tiin bul tan phawt teh ang.

Chutihrual chuan Bible ringtu kan nih chuan ni hnuhnungah zawlnei a awm dâwn tih hi kan ring tho tur a ni. Efesi khuaa mite hnenah khân Paula’n Krista-ah famkimna tak tak kan chan hma chuan kohhran zawlneite an awm ang tiin a lo sawi a ni (Efesi 4:11-13). Tin, \henkhat chuan Isua lo kal leh hnuah zawlnei a ngai tawh lo te an han ti ve thla ngawt thin a. Bible an chhiar chiang lo deuh niin a lang. Tirhkohte 13:1-ah khan zawlnei Barnaba leh mi dang pathum te kha kan hmu a. Chutiang zelin, zawlnei Agaba pawhin Paula hma lam hun tûr a lo hrilh lâwk vê a nih kha (Tirh. 21:10-11). Hêng zawlneite hi Isua thih hnu daiha awm Thuthlung Thar zawlneite an ni.

Tûnah, kan sawi tum ber lo lût teh ang. Ni hnuhnungah hian hrilhlâwkna thilpêk (Zawlnei nihna) nei an la awm dâwn em tih hi zawhna a ni a. Bible chuan a chhanna fumfe tak min pe a ni. Thupuan 12:17-ah chuan tihian a sawi:

Tichuan, dragon chu hmeichhe chungah chuan a lo thinur a, a thlah la awm, Pathian thupêkte zâwma Isua hriattîrna thu pawmte chu do tûrin a kal ta a.

A chunga châng hi ngun thlûk taka i zir chuan ni hnuhnung thil sawina tih i hre thei ang. He chânga “hmeichhia” hian kohhran a entîr a, chû kohhran chuan Pathian thupêkte zawmin Isua hriattîrna thu pawh a pawm a ni. Helaia “Isua hriattîrna thû” tih tawngkam hi Thupuan 19:10-ah chuan “hrilhlâwkna thlarau” a nih thu a sawi a. A aia chiangin Thupuan 22:9-ah chuan “hrilhlâwkna thlarau” hi zawlneite sawina a nih thu a inziak a ni.

Chuvângin, hun hnuhnungah Pathian thupêk zawma zawlnei neitu kohhran a awm ang tihna a ni. Heimi châng behchhan hian Adventist-te chuan Pathian thû chu an kalpui a. Pathian thupêk zawm tumin zawlnei pawm an pawm a. Ellen White-i hi ni hnuhnung kohhrana hrilhlâwkna thilpêk dâwngtu pakhat-ah a pawm a. Ellen-i nun leh thilpêk hi teh tlâk leh belh chian tlâk a ni. Ellen White-i thuziak chhiar \hinte leh chhiar ngai lo mi 8000 hnêna survey an nei a. A chhiar \hinte chu Bible ngainat kawngah te, rawngbâwl kawngah te, thawhlâwm thawh kawngah te, luan chhuahna kawngah te leh thil dang tam takah a lêtin a chhiar ngai lote ai hma an sâwn a ni [A link-ah hian a finfiahna chu i en thei ang: https://www.ministrymagazine.org/archive/1982/10/who-reads-ellen-white]

Chuvângin mite sawi (a tha a chhiain) ngai thla lovin, nangmah ngeiin han bih chiang ve chhin la, nangmah ngeiin Ellen White-i chu zawlnei a ni thei dâwn em a thuziak atangin i teh thei ang. A lehkhabu thenkhat chhiartu kan râwn nghâl ang che: Steps to Christs, The Desire of Ages, The Great Controversy.