“Krista dodaltu” tih thumal hi greek atanga lakchhuah niin, thu hma bet anti (dodal, kalh) tih leh noun christos (hriak thiha tih atanga lakchhuah a ni. Dan lo anga Isua tih turte lo tih tumtu ni-a hmuh a ni thin a. A lang lo emaw pawn lang taka pawh a Isua dodalna tura dan emaw pawl hmanna pawh a kawk thei a. He hming hian Krista dodaltu nihna pawimawh tak pahnih a tar lang a: Krista anga inchhalin mi a bum a, tin, Krista a dona lamah A mite chu rapbetin a tiduhdah a ni.
1. A thumal hmanna: He thumal Krista dodaltu, greek tawnga antichristos tih hi Thuthlung thara Johana lehkhathawnah hian hmuh tur a tam hle a. A hmasa berah chuan, Krista dodaltu thlarau chu zirtirtu diklote kaltlangin a lang chhuak a (1 Johana 2:18, 22), hei hian Krista dodalna thlarau chu Kristianna huang chhunga awm tur niin min ngaihtuahtir a ni. A hming hian Kristian rinna kalsual lam a kawk deuh a ni. Krista dodaltu chuan Isuaa thutak lang chhuak chu a do a, Isua hriatthiamna dang daih a tar chhuak a ni.
Pahnihnaah chuan, tirhkohte zirtirnaah chuan Krista dodaltu lo chhuahna tur chu hrilhlawk a ni. Johana chuan: “Krista dodaltu chu a lo kal dawn tih in hriat avangin…” a ti a nih kha (1 Johana 2:18). Ringtute chu Isuaa an inpumpekna kawngah he thil hlauhawm hi an tawk dawn a ni tih hrilhlawk an ni.
Pathumnaah chuan, Krista dodaltu chu mihring dan emaw hmanraw emaw hmangin a inpuangchhuak thei a ni: “Tunah pawh Krista dodaltu tam tak an lo chhuak ta a,” (1 Johana 2:18). Heng mite hi krista dodaltu chu an nih chiah lova, mahse Krista dodaltu rilru ang chu an pu a ni. A hmanrua an ni tihna a ni (1 Johana 4:3).
2. Krista dodaltu mimal nihna: Johana’n Krista dodaltu tia a koh hi Bible hmun dangah pawh sawilan a ni a. A tirah chuan van mi a ni a, cherub, Pathian laka heltu leh vana indona tichhuaktu a ni (Ezek. 28:14-16; Thup. 12:7). Pathian kalhtu thiltihtheihna chu a ni ngei a, Chungnungbera anga insiam duhtu Krista dodaltu chu a ni (Isaia 14:13). A tum ber mai chu Pathian dinhmun luahlan chu a ni. A thiltihte thiam inchantir turin Pathian nungchang chu a bei a. Van atanga hnawhchhuah a ni a, he khawvel hi a hnathawhna hmunpuiah a siam a ni.
Daniela chuan Krista dodaltu hi entirna hmangin a lo sawi a, hmanlaia thuneihna neitu kha a ni tiin; Rom tlukchhiat hnuah sawrkar leh kohhran chu zawm khawmin, Pathian dan chu thlak a tum thu a sawi a (Dan 7:25), mite chu tihduhdahin, Pathian dodal zawngin thu a sawi a ti a ni (Daniela 11:36). Tin, Krista puithiam nihna hna chu thawh ve a tum a (8:11), hei hian hmanlai atanga Krista dodaltu thawhdan chu fiah takin a tar lang a ni.
3. Krista dodaltu inlarna: Thuthlung Thar chuan Kristian kohhrana tluksanna awm dan chu a sawi a (2 Thess 2:3,4), chutiang thlarau lanchhuahna chu Krista dodalna niin a sawi a ni. Thupuan bu atang chuan, tluksanna chuan a vawrtawp a thleng ang a, a hringa hrana Krista dodaltu lo lanna chuan a zui dawn a ni a ti. Thupuan chuan ramhuaite kaihhruaina hnuaia khawvel pum pui thawhhona chu a tar lang a (Thup 16:13, 14); chu chu thilmak leh chhinchhiahna ten an zui ang a, Krista dodaltu lo lan hunah a vawrtawp chu a thleng ang. Chumi hunah chuan Johana sawi angin, “mi zawng zawngte hmun theih turin van atang mei a lo tla ang,” (Thup 13:13; cf. 1 Kings 18:20-39). Paula chuan “danbawhchhepa” lo kal [parousia] tur thu a sawi a, hetah hian Isua Krista lo kal [parousia] tur thu nen thumal inang a hmang a ni (1 Thess 2: 8,9). Krista dodaltu chuan Isua lo kal lehna ang takin a lo kalna chu a lantir dawn a ni.
He mimala lemchanna thiltithei tak hian leia chengte chu a bum dawn a. Setana chu chibai an buk ang a, sakhuana leh sorkar inzawm chuan a thlawp bawk ang (Thup 13:4). Krista dodaltu chuan Pathian mite nuaichimihna tur indona chu a tan ang a (Thup 13:15-17), mahse Lalpaah chuan himna an chang ang (Thup 17:16), mihring hmanrua hmanga chhanchhuah an ni dawn lo. An rawngbawlna tur chu chatuan chanchin tha sawi leh Krista dodaltu hailan chu a ni (Thup 14:6-12). Krista chuan a tawpah anni chu a chhanchhuak ang a, Krista dodaltu chu a tiboral ang.